جميل وبثينه ماذبحهم مرض ياهيه

دخيل الغلا اللي راح واللي وقف وارتاب
بسميه عشق وانت مدري وش تسميه

ودخيل العيون اللي عليها الحلى جذاب
تشوف الولع فيهن ولا تدري وش تاليه

ودخيل المكان اللي جمعنا ولا هو اعجاب
اذا لي معزه طاري البعد لا تطريه

لوتشوف وضعي عندما تتلتقي الاهداب
لك الله لو لك نية بالجفا تلغيه

انا وانت غايب كن وسط العيون تراب
تنام الخلايق ولا انا النوم مالي فيه

ذبحني غلاك الي سرى مثل سم الداب
طفح بالعروق وكل ماوافقه ينهه

بقى قلبي اللي ماذبحته وهو منصاب
وانا ادري تبي تستوطنه يومك تخليه

سكنته وهو عمره قفل بالوجيه الباب
وانا اعرف قلبي لا عشق لا رحم واليه

يجي كله من اقصاه ويحب استغراب
وفاء فيه ماهو مع بشر ليتك تداريه

ترفق على قلب تلوعبك ولا تاب
تعذب ولا منه نوى البعد مايمديه

تمكنت به حيث الولع مثل غرس الناب
ومصيبتك تدري بس ليه المفارق ليه

دخيلك على بعضك ولا هي بدعوة عتاب
تعيد النظر في البعد من قبل لا تبديه

عليك الله اكبر وانت حكمك شريعة غاب
تجيب الطعون تجرح الخافق وتدميه

انا اموت فيك وصال اموت فيك غياب
وهي موتة وحده مع فارق التشبيه

ومن قال مابه موت بالحب قل كذاب
جميل وبثينه ماذبحهم مرض ياهيه

احبك من حبك خسرت اغلب الاصحاب
اذا عاتبوني فيك وعتابهم ماابيه

احبك ولا تسال حبيبي عن الاسباب
انا لو اعرف اسباب حبك قدرت انهيه

انا بسالك هو صحيح الهوى غلاب
وانا بنصح اللي مثل شرواي لا يمشيه

ومن لا يحسب للهوى الف حساب
لك الله ماغنى سلامه يبي يغنيه

مثل هل دمعي وانت رايح وهو طرق حجاب
ومثل مارمى عبد الحليم الزهر يرميه

واذا فيه في كتاب النحو للفرقا اعراب
فهو فعل مطلق والجفا ماضيه

الا ليت ربي ماخلق في الغراب غياب
واذا فيه فرقى طاري الحب لا نطريه

شكرا جزيلا

» أَقــول لِـقَـومــي أَيــن أَحــفــاد يــعــرب // جميل صدقي الزهاوي// أمراء البيان